99a Kongreso de SAT:

“Paco kaj militoj. Datreveno de la Hispana Enlanda Milito”

La 99a SAT-Kongreso okazos en la urbo Leono inter la 19a de julio 2026 kaj la 26a de julio 2026. La kongreso koincidos kun la 90-jariĝo de la Hispana Enlanda Milito, kiu daŭre estas fonto de aktivaj debatoj en Hispanio, ĉefe rilate al la movado por rekuperado de historia memoro, kiu inter aliaj aferoj baraktas por identigi ekzekutitojn de la frankisma reĝimo, iam enterigitaj amastombe, por ke la familioj povu disponi digne de iliaj restaĵoj. La programo de la kongreso enhavos aktivecojn rilatajn al tiu memordato. La temo de la kongreso estos "Paco kaj militoj. Datreveno de la Hispana Enlanda Milito".